LIGJET E BIZNESIT
Gratë e “Astirit” së bashku me ato opozitare janë mbledhur gjatë orëve të para të mëngjesit të sotëm dhe kanë protestuar kundër projektit të “Unazës së Re”, nën moton “Shtëpia Jonë-Liria Jonë”.
Gjatë protestës ka marrë fjalën edhe ish-deputetja demokratike, Albana Vokshi, e cila u ka dalë në mbrojtje grave të “Astirit”, duke kërkuar bashkë me to anulimin e projektit të “Unazës së Madhe”.
Fjala e Vokshit
“Rama është duke ikur dhe në Fier e kanë pritur ashtu sic e meriton, me protesta. Është kthyer në kryeministrin më të urryer të të githë shqiptarëve. Dua të falenderoj nga zemra gratë dhe vajzat banore të Unazës së Madhe. Faleminderit për atë që keni bërë në 4 muaj protesta pavarësisht burgosjeve politike, kërcënimeve, presioneve ju keni ditur të mos mposhteni. Jeni kthyer në simbolin e qëndresës së grave shqiptare, të rezistencës ndaj qeverisjes kriminale, korrupsionit galopant.
Sot është një tjetër 8 mars i trishtë për të gjitha nënat dhe vajzat shqiptare. Sot kemi 1001 arsye për të protestuar, dhe ne gratë e opozitës vendosëm të ishim me ju sepse ju na mësuat se shtëpia duhet të mbrohet me gjak. Të bashkojmë të gjitha kauzat dhe të bëhemi bashkë,me ju dhe gjithë femrat e shqiptëri. Sic mbrojtët shtëpitë tuaja të mbrojmë shtëpinë tonë të përbashkët, Shqipërinë!”
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
