Vlorë/ Vrau gjyshin për 1 milionë lekë, gjykata lë në burg adoleshentin

Një adoleshent nga Vlora vrau gjyshin e tij 69-vjeçar, për t’i marrë 1 milionë lekë të vjetra që ndodheshin në banesë. 16-vjeçari qëlloi me një plumb në kokë gjyshin e tij Vangjel Kapllani dhe më pas ngjarjen e raportoi si grabitje.

Për 16-vjeçarin, Vangjel Kapllanin, gjykata e Vlorës ka vendosur masën arrest me burg. Përvec tij është vendosu e njëjta masë ndaj 28 vjeçarit me iniciale M. A., pasi dyshohet se ka qenë ai që i ka shitur armën 17-vjeçarit.

Ndërsa ndaj dy të miturve me iniciale L.M., 16 vjeç dhe F. Xh., 17 vjeç është vendosur masa e sigurisë ‘detyrim paraqitje’.

Adoleshenti akuzohet për veprat penale ‘Vrasje në rrethana cilësuese’ dhe ‘Armëmbajtje pa leje’.

Kujtojmë se, 16-vjecari fillimisht tentoi të mashtronte efektivët e policisë. “Isha jashtë me shokët. Kur u ktheva, e gjeta gjyshin mes një pellgu gjaku. Na kishin marrë 1 milionë lekë që kishim në shtëpi”, deklaroi fillimisht adoleshenti.