Vlorë/ Grabitet filiali i Postës Shqiptare

Gjatë natës është grabitur arka e Postës Shqiptare në fshatin Brataj të Vlorës. Ende nuk dihet indetiteti i personave, as edhe shuma që kanë grabitur.

Mendohet se autorët kanë hyrë nga pjesa e pasme e postës dhe pasi kanë marrë një sasi të konsiderueshme parash nga arka janë larguar me shpejtësi.

Policia ka nisur hetimet për zbardhjen e plotë të shkaqeve dhe rrethanave të ngjarjes, ndërkohë, nuk ka asnjë pistë për të zbuluar indetitetin e autorëve.