VIDEO/ Tension para Kuvendit, gjakoset një protestues

Që në nisje të protestës është tensionuar situata edhe në hyrje të Kuvendit.

Protestuesit po përpiqen të çajnë kordonin policor për t’u futur brenda territorit, ndërkohë, protestuesit po përparojnë në shtyrjen e forcave të policisë.

Nuk kanë munguar edhe hedhjet e kapsollave. Rritja e tensioneve ka bërë që forcat e ndërhyrjes së shpejtë të dalin menjëherë nga ana e xhamisë për të formuar një kordon të dytë.

Policia po bëhet gati për të përdorur edhe gaz lotsjellës dhe ujin për të larguar turmën. Një përson i lënduar është shfaqur në mes të turmës, ai shprehet se e ka goditur me grushta policia.