LIGJET E BIZNESIT
Kreu i Bashkisë së Durrësit, Vangjush Dako së bashku me ministrin, Sandër Lleshaj kanë zhvilluar një takim me studentët e qytetit bregdetar ditën e djeshme, por përvec protestave ajo që ka habitur ka qenë deklarata e Dakos.
Ai e ka pranuar publikisht se ka qenë një student shumë i dobët, teksa ka thënë para studentëve të Universitetit “Aleksandër Moisiu”, në Durrës, se e ka mbaruar shkollën me 5-a.
Pavarësisht notave kjo nuk e ka penguar të bëhet kryetar bashkie e biznesmen i suksesshëm, sic u shpreh ai.
“Ministri (Lleshaj) tha kam qenë student me 10-a, unë nuk kam qenë me dhjeta, kam qenë me 5-a, por jam bërë kryetar bashkie dhe biznesmen i suksesshëm”, u thotë Dako studentëve, të cilët e kanë të vështirë të mbajnë të qeshurën pas deklatatës së tij.
Po në këtë takim, më herët ministri Llesha u prit me protesta nga studentët për shkak të ndotjes.
