LIGJET E BIZNESIT
Është vënë pas hekuarave i superkërkuari Marco Di Lauro, bosi mafioz i Camorras, pas 14 viteve në arrati. Ai është kapur në flagrancë ditën e djeshme në periferi të Napolit.
Di Lauro ishte në kërkim me akuzën për organizatë kriminal e tipit mafioz dhe krime të tjera dhe në vitin 2006 janë zhvilluar kërkime edhe në nivel ndërkombëtar. Kur policia hyri në shtëpinë e tij, ai ishte duke ngrënë makarona.
Sipas mediave italiane, Di Lauro konsiderohet si personi i dytë më i rrezikshëm i kërkuar në Itali pas Matteo Messina Denaro.
Kapja e Di Lauros mund të lidhet me vrasjen e disa femrave që ndodhi në Milito, ku është përfshirë një i mbrojtur special, në të kaluarën i afërt i klanit.
Marco Di Lauro, Djali i katërt i bosit Paolo Di Lauro ishte në kërkim që nga 7 dhjetori 2004, kur ai i shpëtoi operacionit të policisë “nata e prangave”, në të cilin rreth një mijë agjentë pushtuan Scampian dhe Secondiglianon dhe ekzekutuan 53 urdhra arresti.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ai është i dënuar me burg të përjetshëm për vrasjen e Attilio Romano, i vrarë gabimisht në janar të vitit 2005 gjatë gjakmarrjes së parë të Scampias.
Klani i Di Lauro ishte protagonist në vitet mes 2003 dhe 2005 të një prej hakmarrjeve më të përgjakshme të Camorras. Vendi ku ndodhën ishin lagjet e zonës veri-perëndimore të Napolit, ato të Secondiglianos dhe Scampias.
Shkak për nisjen e sagës së hakmarrjeve ishte kontrolli i trafikut të drogës në zonë, pasi disa ish-pjesëtarë të klanit tentuan të dilnin më vete por u përplasën me besnikë të klanit.
Marco, mes djemve të Paolo Di Lauro, me nofkën Ciruzzo ‘ose’ milioneri ‘(për disponibilitetin e tij financiar), është konsideruar gjithmonë më i zgjuari.
“Ai nuk ishte i armatosur dhe nuk bëri rezistencë ndaj forcave të policisë, por u shqetësua për macet. U kap, ndërsa ishte në shtëpi me partneren e tij, hante makarona dhe stika, ndërsa gruaja e tij po bënte punët e shtëpisë”, tha shefi i policisë së Napolit.
