Ditën e nesërme në orën 11:00 kreu i Bashkisë të Tiranës do të organizojë një takim me qytetarët, pasi do të kandidojë për kreun e kësaj Bashkie.
Njoftimin Veliaj e dha në rrjetet sociale ku i ftoi qytetarët, që të merrnin familjarët me vete dhe të dilnin në shesh.
Por, nuk mbaron me kaq, zyrtari i lartë i Partisë Demokratike, Dorjan Teliti ka reaguar me një postim në faqen e tij në facebook për mënyrën se Veliaj po tenton të mbledhë njerëz në mitingun e PS të Shtunën.
Sipas Telitit të gjithë punonjësit e administratës janë të detyruar që të dalin në shesh së bashku me familjet e tyre.
Postimi i plotë i Telitit:
Fletërrufeja e partisë-bashki për punonjësit e administratës.
Të gjithë në rresht për të duartrokitur “liderin” botëror në kongresin e partisë, në të kundërt pushohesh nga puna.
Në mbledhjet e organizuara me administratën e bashkisë së Tiranës, u është kërkuar drejtorëve të mos tolerojnë asnjë mungesë në sheshin “Nënë Tereza” në aktivitetin partiak të kryebashkiakut vetëm pak metra larg pallatit të kongreseve ku do të mbahet Kongresi i PS-së.
Ata që mungojnë, pushohen direkt nga puna.
KJO DUHET TË MARRË FUND!
I ftoj të gjithë ata që detyrohen të duartrokasin nëpërmjet shantazhit të vendit të punës, të na bashkohen në përpjekjen tonë për ta bërë Shqipërinë si Europa!
#ShqipëriasiEuropa #SistemiEnveristnëAksion #StopArbitraritetit.
