Kuvendi i Shqipërisë ka nisur të plotësohet pas djegies së mandateve parlamentare nga ana e opozitës pak javë më parë. Këtë të hënë, Komisioni Qendror i Zgjedhjeve, pritet të japë mandatet për 4 kandidatët e LSI për plotësimin e vakancës së njoftuar nga Kuvendi i Shqipërisë.
Gjithashtu, gjatë mbledhjes së të hënës do të bëhet regjistrimi si subjekt zgjedhor, “Partia Aleanca Demokristiane e Shqipërisë” dhe “Partia Kristian Demokrate” për zgjedhjet për organet e qeverisjes vendore të datës 30 qershor 2019.
Rendi i ditës në mbledhjen e së hënës:
Për regjistrimin si subjekt zgjedhor, “Partia Aleanca Demokristiane e Shqipërisë” për zgjedhjet për organet e qeverisjes vendore të datës 30 qershor 2019.
2- Për regjistrimin si subjekt zgjedhor, “Partia Kristian Demokrate” për zgjedhjet për organet e qeverisjes vendore të datës 30 qershor 2019.
3- Për dhënien e mandatit të deputetit të Kuvendit të Shqipërisë, kandidatit të listës shumemërore të Partisë Lëvizja Socialiste për Integrim, Qarku Tiranë, për plotësimin e vakancës së njoftuar nga Kuvendi i Shqipërisë, pas dorëheqjes nga mandati i deputetit, z. Endrit Vullnetar Braimllari.
4- Për dhënien e mandatit të deputetit të Kuvendit të Shqipërisë, kandidatit të listës shumemërore të Partisë Lëvizja Socialiste për Integrim, Qarku Dibër, për plotësimin e vakancës së njoftuar nga Kuvendi i Shqipërisë, pas dorëheqjes nga mandati i deputetit, z. Përparim Islam Spahiu.
5- Për dhënien e mandatit të deputetit të Kuvendit të Shqipërisë, kandidatit të listës shumemërore të Partisë Lëvizja Socialiste për Integrim, Qarku Elbasan, për plotësimin e vakancës së njoftuar nga Kuvendi i Shqipërisë, pas dorëheqjes nga mandati i deputetit, z. Edmond Llazar Haxhinasto.
6- Për dhënien e mandatit të deputetit të Kuvendit të Shqipërisë, kandidatit të listës shumemërore të Partisë Lëvizja Socialiste për Integrim, Qarku Tiranë, për plotësimin e vakancës së njoftuar nga Kuvendi i Shqipërisë, pas dorëheqjes nga mandati i deputetit, znj. Floida Fadajev Kërpaçi.
Ndërkaq, ditën e djeshme PD ka dorëzuar në KQZ 37 dorëheqjet e kandidatëve të cilëve u ka shkuar njoftimi për të marrë mandatin. Ka qenë përfaqësuesi ligjor i PD-së në KQZ, Ivi Kaso, i cili paraqiti në Institucionin Zgjedhor dorëheqjen e kandidatëve që janë në listat e saj zgjedhore.
