LIGJET E BIZNESIT
Një ditë pas protestës që zgjati për disa orë në zonën e Astirit, policia ka shoqëruar 6 persona, të cilët janë banorë të zonës.
Janë shoqëruar: Gezim Sadikaj, Lutfi Kastrati, Ilir Katiraj Lindita dhe Dorian Protoduar, Skender Doda.
Në një prononcim për mediat protestuesit kanë thënë se se janë thirrur në një takim edhe nga drejtori i Policisë, por takimi nuk është zhvilluar.
“Kërkuam shpjegime për arsyen e takimit me drejtorin e policisë, por takimi është thjesht për presion, për shantazh. Zotëria në fjalë ka marrë përsipër ta mbyllë këtë protestë.
Banorët e Unazës nuk do jenë më aq të urtë. Do të shkojmë drejt bllokimin 24 orë të asaj rruge. Ju kërkojmë ndjesë, nuk duam të bllokojmë njeri, por kjo është mënyra e vetme. Edhe në më pak se një orë e kemi reduktuar vetëm të mos bllokojmë qytetarët”, tha një nga banorët e shoqëruar.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Banorët e kanë konsideruar këtë një formë presioni që të mos protestojnë më. Ata madje kanë paralajmëruar përshkallëzim në protesta 24-orëshe.
“Protesta nuk mbyllet as me ndalime, as me arrestime, as me asnjë mënyrë tjetër. Nesër të shkojmë në protestë para Parlamentit, si në çdo protestë tjetër me po të njëjtin motivim.”, tha një tjetër banor.
