LIGJET E BIZNESIT
Mbrëmjen e deshme u vetëdorëzua në polici biznesmeni i shumëkërkuar, Ervin Mata. Ai ishte shpallur në kërkim si i përfshirë në vrasjen e 4 tetorit 2018 në zonën e Ish Bllokut.
Pas arrestimit Mata ka folur për hetuesit e policisë. Ai ka mohuar të ketë lidhje me këtë ngjarje duke deklaruar se e sulmuan dhe se nuk është ai autori i vrasjes së Fabiol Gaxhës. “Nuk kam lidhje me vrasjen, mua më sulmuan. Ika nga vendi i ngjarjes se u frikësova. Nuk e kam vrarë unë fabiol Gaxhën”, ka deklaruar Mata në polici për konfliktin në lokal ku mbeti i vrarë Fabiol Gaxha dhe u plagosën Ervis Martinaj dhe Eljon Hato.
Kujtojmë se sherri fillimisht ka nisur mes komandos Mervjol Bilo dhe Eljon Hatos të cilët janë zënë për rreth 30 sekonda me grushta, ndërsa pak më tutje po ziheshin Ervis Martinaj dhe Ervin Mata. Në një moment viktima Fabjol Gaxha ka nxjerrë armën dhe ka qëlluar duke bërë që komando Mervjol Bilo t’i përgjigjet po ashtu me armë duke qëlluar fillimisht Eljon Haton dhe më pas mbi personat e tjerë, ku Gaxha mbeti i vetmi i vdekur.
Pas përplasjes me armë Mervjol Bilo dhe Ervin Mata ishin të kërkuar nga drejtësia. Mata është dorëzuar mbrëmjen e djeshme ndërsa Bilo vazhdon të jetë ende në kërkim. Ndërkaq, ende nuk ka një reagim nga e fejuara, Elbana Gjata.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
