U dhunua nga 24-vjeçari në Lezhë, mjeku në terapi për thyerjen e kockave të fytyrës

Sot në Lezhë, një 24-vjecar ka dhunuar mjekun dermatolog, Zef Doda, duke e goditur me mjete të forta, mjeku  ka pësuar fraktura për pasojë dhe është sjellë me urgjencë në spitalin e Traumës.

Doda, do të mbahet në terapi në Spitalin Nënë Tereza në Tiranë. Burime pranë QSUT bëjnë të ditur se pas përfundimit të ekzaminimit të gjendjes së mjekut Doda, është arritur në konkluzionin se ai ka thyerje të kockave të fytyrës.

Po ashtu mësohet se ai do t’i nënshtrohet terapisë për këto dëmtime që ka marrë në fytyrë.

Burime nga uniformat blu bëjnë të ditur se 24-vjeçari me iniciale E.Ll, është i riu që dhunoi mjekun, ndërkohë është shpallur në kërkim.