U dhunua nga 24-vjeçari në Lezhë, mjekët në protestë për kolegun e tyre

Dje në Lezhë, një 24-vjecar ka dhunuar mjekun dermatolog, Zef Doda, duke e goditur me mjete të forta, mjeku  ka pësuar fraktura, për pasojë  është sjellë me urgjencë në spitalin e Traumës.

24 vjeçari nga Mirdita i identifikuar si Eduard Lleshi, ka thënë se e qëlloi me grushte pasi mjeku ishte në gjendje të dehur dhe nuk po i shërbente.

Dhuna ndaj bluzave të bardha sa vjenë edhe po shtohet, dje po ashtu u dhunua një mjeke në Tiranë, pak ditë më parë një ngjarje e ngjashme ka ndodhur në Durrës dhe pak javë më parë një mjek roje është dhunuar në mbientet e QSUT-së.

Sot, mjekët e spitalit rajonal të Lezhës janë ngritur në protestë në shenjë solidariteti me kolegun e tyre, ndërsa kërkojnë mbështetjen dhe mbrojtjen e qeverisë.

“Kohët e fundit kjo dhunë sa vjen e rritet…Qeveria të na ndihmojë, të na mbështesi dhe të vlerësojë punën tonë që ne ta bëjmë siç duhet”, tha një prej mjekëve.

Ndërkohë, edhe Ministria e Shëndetësisë ka reguar në lidhje me dhunën e ushtruar ndaj mjekëve, duke kërkuar që qeveria të mundësojë ambiente më të sigurta në punë.