Ndërsa protesta po vijon, po shtohen edhe temperaturat. Protestuesit prej disa minutash janë ulur në bulevardin para Kuvendit.
Nga aty e ulur këmbëkryq bashkë me protestuesit, kryetarja e LSI-së Monika Kryemadhi i bëri një thirrje ministrit të Brendshëm, Sandër Lleshaj të ndihmojë policët. Sipas saj ministri vetë duhet të kujdeset që t’ju sjellë ujë, pasi atyre po ju thahet buza nga vapa.
Ndërsa, gjithashtu shtoi se opozita i ka ofruar ujë policëve, por ata nuk kanë pranuar sepse kanë frikë se pushohen nga puna.
“Të shkojë policia t’ju marrë para deputetëve, t’ju sjellë ujë se po ju thahet buza policëve. Ne ua japim po ata kanë frikë se pushohen nga puna. Kush guxon të marrë ujë nga opozita, e heqin direkt. I bëj thirrje Sandër Lleshajt t’ju sjellë ujë…është një vapë e madhe. Ata janë aq të sikletosur sa nuk e marrin ujin tonë se i pushojnë nga puna”,– tha ajo.
