6 deputetë të rinj pritet t’i bashkohen opozitës së re në parlament. Komisioni Qendror i Zgjedhjeve pritet që të hënën t’u japë mandatet. Kjo është parashikuar në rendin e ditës së mbledhjes së KQZ-së.
Sipas njoftimit, në rendin e ditës është përcaktuar dhënia e mandateve pas krijimit të vakancave nga tre deputetë të Partisë Demokratike dhe tre të LSI-së. Bëhet fjalë për mandatet e Astrit Veliajt, Gent Strazimiri, Klevis Balliu, Viktor Tushaj, Nora Malaj dhe Vangjel Tavo.
Nga lista e kandidatëve të 2017 të PD-së marrin mandatet Lefter Maliqi, Ligoraq Karamelo dhe Majlinda Halili. Ndërsa nga LSI-ja, Ediola Braha, Edlira Hyseni dhe Elda Hoti.
