Sherr me Ramën në Kongres? Gjylameti rrëfen të vërtetën

Blerina Gjylameti, deputete dhe kryetare e PS-së për Tiranën ka folur pas aludimeve se ajo kishte patur një debat me Ramën në Kongresin e PS-së.

Në studion e News 24, ajo nuk pranoi të ketë patur zënkë me kryeministrin, ndryshe nga ç’ishte përfolur. Për Gjylametin u tha dhe se kishte dhënë dorëheqjen prej detyrave të saj.

“Unë jam në detyrë. Të gjitha të tjerat janë spekulime të ditës. Do të flisja për ato çfarë arritëm në atë Kongres dhe jo për këto. Kemi një projekt të madh për të çuar përpara. Unë vazhdoj të punoj për projektin “Shqipëria që duam” më shumë se sa të dëgjoj çfarë thotë një individ apo një tjetër”.

Sa i takon marrëdhënieve të saj me kryetarin e Bashkisë së Tiranës, Erion Veliajn, Gjylameti u shpreh se me të ka bashkëpunim të mirë me fokus tek njerëzit.