Ndërkohë që tensionet mes protestuesve dhe kordonit të policisë po rriten, ish-deputetët po mbajnë fjalime.
Një prej tyre ka qenë edhe ish-deputeti i PD-së, Ervin Salianji, i cili është shprehur se nëse protestuesit do të donin do e kalonin gardhin e policisë për 2 minuta, por ata nuk janë aty për të ushtruar dhunë.
Sipas tij, prokurorët nuk po e bëjnë punën e tyre duke parë qëndrimet që mbajnë ndaj zyrtarëve të lartë në shtet. Salianji deklaroi se protestat nuk kanë qenë të dhunshme por policia ka tejkaluar forcën por se popullin s’ka gardh që e ndal.
“Ne kërkojmë mirëqenie për shqiptarët, Rama do para e të zhvasë popullin, ndaj ne jemi këtu dhe themi Rama ik. Ne duam zgjedhje të lira e të ndershme dhe Shqipërisë si gjithë Evropa, ai do ta kthejë si Venezuelën e Maduros. Ne duam qeveri shërbëtore të qytetarëve dhe jo shërbëtore të oligarkëve, ndaj themi Rama Ik.
Ka vetëm një zgjidhje, kjo rrugë të çon te demokracia e vërtetë, te zgjidhja për Shqipërinë si gjithë Evropa. Rama ik. Ju dhe cilido e sheh se si qeveria është e kapur në krim e korrupsion, duke tentuar ti bëjnë presion qytetarëve, por sot ata janë më të fortë se kurrë dhe bërtasin Rama ik.
Prokurorët janë tredhur nga hallatet, dhe nuk thërrasin asnjëherë zyrtarët, a e keni parë të shkojë aty, Gjinkunit, Dakon, Afrim Qendron, Qazim Sejdinin”- tha Salianji, duke theksuar se kufirin e ka tejkaluar policia dhe jo protestuesit. “Ne nuk perdorim dhune, nese ne do te donim, e kapecenim ate gardh per 2 minuta, nuk ka gardh qe na ndal”- ka thene ai.
