Mbrëmjen e djeshme është hapur Samiti i Diasporës. Samiti i II-të i Diasporës Shqiptare po zhvillohet në Tiranë, ku marrin pjesë personalitete shqiptare të spikatura të biznesit, shkencës, artit dhe kulturës që jetojnë jashtë vendit, në të cilin ka një ministri të posaçme për ta, të kryesuar nga Pandeli Majko.
Në samit marrin pjesë edhe politikanët shqiptarë. Mëngjesin e sotëm kryeministri Edi Rama ka pritur presidentin e Kosovës, Hashim Thaçi i cili gjithashtu është pjesëmarrës në samit.
Ministri i shtetit për diasporën tha se mblidhen për të diskutuar çështje të cilat “na lidhin me interesa ekonomike, por mbi të gjitha na bëjnë të pohojmë atë që jemi dhe mbi të gjitha atë që do të jemi.
Kjo është një shtëpi, që i është dedikuar mbretit, por ne jemi sot për t’ju pohuar se në këtë shtëpi, qeveritë e Shqipërisë.”
Në axhendë ishte parashikuar të merrte pjesë dhe kreu i PD, Lulzim Basha, por ky i fundit e ka refuzuar pjesëmarrjen.
Nesër, samiti vijon punimet në Lezhë, në një ditë simbolike që përkujton edhe 575-vjetorin e “Besëlidhjes së Lezhës”, realizuar nga princat shqiptarë, në krye të të cilëve ishte heroi kombëtar Gjergj Kastrioti, Skënderbeu.
