Vuri Shkodrën në shtetrrethim, Rama anulon vizitën

Një tjetër lëvizje e papritur ka ardhur nga kryeministri Rama. Ai ka anuluar udhëtimin e parashikuar në Shkodër. Anulimi i planeve të tij, është bërë i ditur nga deputetja demokrate e këtij qyteti, Izmira Ulqinaku.

Përmes një postimi në faqen e saj në “Facebook”, ajo shkruan se, pavarësisht se, qyteti ishte blinduar nga policia, sërish kreu i qeverisë vendosi për anulimin e vizitës, duke dërguar ministra e ish-ministra.

“Shkodra në shtetrrethim! Policia kudo sot! Rrugët janë bllokuar, sepse vjen PARIA nga Tirana. Vijnë ministrat e ish ministrat. Vijnë ato që deri tani nuk e dinin nga i bie Shkodra. Vijnë ato të cilët nuk sollën asnjë investim në Shkodër. Edi Rama anulloi viziten në qytetin tonë sepse e dinte pritjen që do i bënim. Solli argatët e tij. Solli kukullat e tij pa zë, pa gojë e pa mend. Shkodra është e djathtë! Shkodranët janë demokratë. Nga Shkodra vjen largimi i Ramës e diktaturës!” – shkruan Ulqinaku.

Deputetja për më tepër i përmend Kryeministrit se nuk ka bërë asnjë investim në Shkodër, prandaj edhe i druhet përballjes me qytetarët.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern