Rama sulmon mediat e huaja: Janë ‘eurokadrinj’

“Eurokadrinj”, kështu iu është referuar Kryeministri Edi Rama mediave të huaja. Ai ka sulmuar këto të fundit, teksa po fliste për ndryshimet në ligjin e Vettingut në Polici.

Rama listoi disa shifra që sipas tij tregonin që Policia dhe qeveria ka qenë të suksesshme, por shtoi se mediat e huaja janë kadrinj njësoj si mediat në vend pasi kanë bërë pasqyrim të ndryshëm nga realiteti.

“Ka shumë euro kadrinj që ngjajnë me kadrinjtë që kemi ne, por ata janë pafajshëm se ata dinë shumë pak për Shipërinë dhe gënjehen nga ato që u thonë”, tha Rama.

PJESË NGA DEKLARATA

Krimet kundër personit, ato që ishin bërë burim stresi në të gjithë vendin kur ne na u besua detyra, në vitin që lamë pas shënuan shifrën më të ulët. Sot ata që hodhën bojë të zezë kundër ministrisë së Brendshme e kanë drejtuar atë ministri, dhe e bënë atë veprim për ta eksportuar nëpër botë. Ata mblidhen në Tiranë për të kënduar himnin kombëtar dhe e nxinë më shumë Shqipërinë. Ka shumë euro kadrinj që ngjajnë me kadrinjtë që kemi ne, por ata janë pafajshëm se ata dinë shumë pak për Shipërinë dhe gënjehen nga ato që u thonë.