Kryeministri Edi Rama nga samiti i Diasporës, i cili po zhvillohet në Tiranë i ka bërë ftesë kryedemorkatit Lulzim Basha për negociata.
“Për ata që ishin të ishin të ftuar por nuk janë këtu, unë ju them vetëm një gjë. Kur do flasim?”, u shpreh Rama.
I vetëdijshëm për situatën kritike politike në Shqipëri Rama u shpreh, “Unë nuk mund të bëj sikur nuk jem në Tiranë e këtu nuk ka ndodhur asgjë këto ditët e fundit. Është historia e shqiptarëve që i kundërvënë shqiptarëve, jo për flamurin, vendin, ideale e ide, por thjesht për hesapet e vogla të katundit, të klubit, të mjedisit politik. Shqiptarët kundër shqiptarëve këtu në Shqipëri kanë ushqyer një ide me të gjitha mënyrat dhe e kanë shpërndarë përtej kufijve se kjo kohë është koha kur në vend lindur kriminelët dhe na kanë pushtuar kriminelët parlamentin”.
Në axhendë ishte parashikuar të merrte pjesë dhe kreu i PD, Lulzim Basha, por ky i fundit e ka refuzuar pjesëmarrjen, sipas tij, Samiti është fasadë e njeriut që i nxiu faqen Shqipërisë. Ky ishte reagimi i tij në Tëitter, ditën e djeshme.
Ne i kemi një borxh të madh diasporës, ndaj nuk mund të pranoj kurrë përdorimin e saj si fasadë nga njeriu që mbushi kampet e azilkërkuesve me 300 mijë shqiptarë duke i përzënë nga shtëpitë e tyre, ja nxiu faqen Shqipërisë me kanabisin dhe ja dorëzoi vendin oligarkëve dhe krimit.
— Lulzim Basha (@lulzimbasha_al) February 28, 2019
