PS mbledh Kongresin në 23 mars, ftesë edhe për Fatos Nanon

Mëngjesin e kësaj të hene, Partia Socialiste ka mbledhur grupin parlamentar, nga ku mësohet se kryefjalë ka qenë kongresi që partia do të mbajë më 23 mars, në orën 10:00, në Pallatin e Kongreseve.

Burime tregojnë se, kongresi do te jetë i ndarë në tre sesione të ndryshme. Fjalën kryesore do e mbajë kryetari i PS, Edi Rama, ndërsa pritet të shpallet lista e këshilltarëve bashkiake vetëm për Tiranën.

Gjithashtu në Kongres pritet të ketë fjalime nga ministra dhe kryetarë bashkish si dhe janë ftuar për të folur të gjithë kryeministrat e PS ndër vite, ndër ta edhe ish-kryeministri Fatos Nano.