Protesta në Fier/ 50 protestues shoqërohen nga policia

Partia Demokratike e Fierit pretendon se 50 protestues janë shoqëruar nga Policia në komisariat, për shkak të protestës së djeshme në Roskovec e Patos. Protestuesit kishin dalë për të kundërshtuar kryeministrin Rama, i cili po udhëtonte drejt Fierit për të festuar 8 Marsin me gratë.

Në Roskovec e Patos, ata bllokuan rrugët dhe kërkuan largimin e kreut të qeverisë. Ndërkaq policia nuk ka dhënë ende informacione zyrtare për këtë ngjarje apo të shoqëruarit.