Vala e protestave vijon. Ditën e sotme banorët e zonës së Bulqizës, kanë dalë në protestë për mungesë të ujit të pishëm prej disa vitesh. Ata kanë bllokuar për rreth një orë rrugën nacionale në Bulqizë, madje kanë pranuar se nuk do lejojnë që asnjë kandidat të bëjë fushatë në zonë e tyre.
Me sa duket Bashkia e kësaj zone nuk ka fonde për të përfunduar ujësjellësin e Gjoricës. Këtë shpjegim ka dhënë kryebashkiaku i Bulqizës, Melaim Damzi.
Këtë prolem e pranoi edhe Prefekti, Nexhbedin Shehu. “Është përfunduar faza e parë e ujësjellësit dhe ka mbetur faza e dytë. Banorët kanë të drejtë sepse duhet të informohen kur përfundon ujësjellësi.”, është shprehur ai.
