Ditën e djeshme në Fier është zhvilluar takimi i radhës në kuadër të projektit ‘Bashkia që Duam’, në të cilin ka qenë i pranishëm edhe kryeministri Edi Rama.
Por ardhja e Ramës në Fierë nuk është mirëpritur, takimi është shoqëruar me protesta nga simpatizantët e opozitës, të cilët patën përplasje me uniforma blu.
Nga përplasjet ngeli i plagosur një efektiv policie, si pasojë janë shoqëruar në komisariat 10 persona.
Njoftimi është bërë nga kreu i PD së Fierit, Luan Baçi, i cili njoftoi se janë shoqëruar 10 persona në komisariatin e Fierit dhe pas një deklarate janë lenë të lirë, ndërsa një protestues ende mbahet në polici.
Policia Fier ende nuk ka një njoftim zyrtar për shoqërimet e protestuesve.
