Policia në gadishmëri maksimale për protestën e opozitës

Edhe pak na ndajnë nga nisja e protestës, ndërkohë policia i ka marrë të gjithë masat për garantimin e rendit dhe sigurisë.

1600 efektive do të jenë sot të angazhuar, një numër ky më i madh se në protestat e kaluara.

Nga ana tjetër, përmes një plani të detajuar masash ka rrethuar të gjithë godinën e Kryeministrisë me rrjeta teli për të pamundësuar hyrjen e qytetarëve në godinën e Kryeministrisë. Burime tregojnë se dritaret dhe dyert e Kryeministrisë janë të veshura me rrjeta hekuri.

Gjithashtu, në të gjithë hapësirat rreth godinës së Këshillit të Ministrave janë instaluar kamera me rezolucion të lartë për të filmuar dhe dokumentuar çdo akt dhune apo tentativë të protestuesve për të hyrë në Kryeministri.

Edhe shtyllat, në të cilat janë vendosur kamerat, janë të lyera me graso për të mos lejuar dëmtimin e tyre nga protestuesit, taktikë kjo që u përdor edhe në protestat e kaluara.