Përplasje në sallën e gjyqit, nëna e Marvi Mihalit: Nuk bëj pazar me gjakun e djalit

Seanca gjyqësore ndaj 4 të pandehurve për vrasjen e Marvi Mihalit ka nisur me përplasjet e forta mes familjarëve. Për pasojë gjykata vendosi të shtyj seancën.

Diskutimi nisi për pretendimin e babait të një prej të pandehurve, se Mira dhe Pavllo Mihali kanë kërkuar dëmshpërblim monetar për vrasjen e të birit.

“Nuk bëj pazar me gjakun e djalit”, tha Fatmira Mihali, nëna e Marvit. Kaq mjaftoi qe situata të precipitonte në fyerje të ndërsjella.

Ajo foli jashtë ambienteve të gjykatës për mediat, akuzoi drejtorin e policisë gjyqësore se ka intimiduar dëshmitarët, ndërsa shtoi se do të vendosin drejtësinë me çdo kusht.