Paraditen e sotme disa banorë të një godine pranë zonës së gjimnazit “Petro Nini” u përleshën me Policinë pasi nuk donin të lejonin shembjen e banesës. Disa prej banorëve janë ndjerë keq dhe u ka rënë të fikët, mes tyre edhe një grua shtatzane.
Në lidhje me situatën e krijuar ka reaguar përmes rrjeteve sociale ministri i Brendshëm, Sandër Lleshaj.
“Mirëkuptim të plotë për reagimet ndaj pranisë së Policisë Shtetit në ekzekutimin e një veprimi përmbarimor, mbi një vendim gjykate të formës së prerë. PSH ka detyrimin ligjor të mbështesë përmbarimin, por ka dhe detyrimin të jetë dinjitoze dhe efikase. Kjo s’ka ndodhur në këtë rast!”
Kujtojmë se disa prej banorëve u shoqëruan në komisariat pas përplasjeve me policinë.
