Paralajmërojnë fermerët: Protesta e 3 prillit do të përshkallëzohet

Prej disa kohësh fermerët po protestojnë, pakënaqësinë  e tyre ndaj  qeverisë e kanë shprehur duke derdhur qumështin, ose prodhimet në rrugë.

Por protestat e tyre duket se nuk kanë mbetur me kaq, ato do të përshkallëzohen. Kjo bëhet e ditur në një deklaratë për mediat nga “Albania Food Industry”.

Protesta e radhës do të jetë më datë 3 prill, e cila do të ketë karakterin e një manifestimi paqësor kombëtar.

Fermerët, grumbulluesit e qumështit dhe agropërpunuesit nga Lushnja, Fieri, Berati apo dhe fshatrat për rreth do të kryejnë këtë manifestim kombëtar për të parandaluar falimentimin e bujqësisë.