“Pakti për Universitetin”, Rama bëhet me portal të ri

Kryeministri Edi Rama ka prezantuar sot platformën që do të ndihmojë për transparencën në universitete.

Gjatë prezantimit të portalit për universitetet tha se është koha që këto institucione të orientohen drejt tregut. Sipas tij, ky portal do të jetë një hapësirë, ku transparenca buxhetore dhe financiare e universiteteve, por jo vetëm, do të jenë të aksesueshme nga të gjithë.

“Pika më delikate e çdo organizate që shpenzon dhe që është buxheti do të publikohet në të gjithë elementët si atë vjetor edhe atë afatmesëm. Të gjitha informacionet e portalit kanë një vlerë tjetër, sepse nuk janë statistika të vdekura, por janë të dhëna që lidhen me jetën aktive të universitetit dhe të studentëve. Portali ka informacione të hollësishme mbi  programet e shkëmbimit studentor së bashku me proceduar, mbi programet apo edhe bursat, kuotat e parashikuara. Universitet të krijojnë subjekte fitimprurëse”,-tha Rama.

Në lidhje me kartën e studentit, kryeministri tha se përgatitjet kanë nisur. Faza e parë do të implementohet me bashkinë e Tiranës dhe me pas në qytetet e tjera ku ka Universitete.

“Kanë nisur përgatitjet, fazën e parë të implementimit do ta nisim me bashkinë e Tiranës. Mbi atë model do të shtrihemi edhe në qytete të tjera universitare, duke garantuar një ndërveprim të kartës së studentëve shqiptarë dhe kartës evropiane të studentëve”-tha ai.