Protesta e rradhës e opozitës do të jetë më 13 prill. Ajo do të pasojë dy protestat e mëdha kombëtare, të zhvilluara më 16 shkurt dhe 16 mars.
Është ky vendimi që ka marrë Kolegji me kryetarët e degëve, i mbledhur dje në mbrëmje nga kryetari i Partisë Demokratike, Lulzim Basha me qëllim diskutimin për të përvijuar aksionin në vijim të opozitës.
Paralelisht do të vijojnë edhe protestat e tjera, duke nisur më 28 mars te Parlamenti, të enjten e seancës plenare të radhës.
Deri tani janë zhvilluar 2 protesta kombëtare dhe 4 te Parlamenti, ndërsa aksioni për largimin e Kryeministrit Rama, krijimin e një qeverie tranzitore për zgjedhje të lira e të ndershme, do të vijojë.
