Ndikimi rus, Meta: Mos e katandisni si rrezikun anglo-amerikan

Sot Presidenti gjatë një prononcimi për mediat ka thumbuar mazhorancën, pas deklaratave të bëra nga kryeministri Rama për ndikimin e Rusisë.

Meta ka komentuar sot deklaratat e shumicës, përfshirë edhe të kryeministrit, për ndikimin e Rusisë në nivel të administratës, por edhe për “luftën” e saj kundër integrimit të Ballkanit në BE.

Ai theksoi se nuk duhet ta katandisim rrezikun rus, si anglo amerikan në periudhën e të kaluarës, për të fshehur shkaqet e vërteta të krizës.

“Jemi të ndërgjegjshëm për ndikimet shpesh toksike të Rusisë në rajonin tonë, por nuk besoj se ky është problem në rastin e Shqipërisë. Nuk duhet ta katandisim rrezikun rus si anglo amerikan në periudhën e të kaluarës për të fshehur shkaqet e vërteta të krizës, kushtetuese, morale, përfaqësimi, që janë të krijuara nga ne”-tha Presidenti i vendit, Ilir Meta.