Mesazhet/ Veliaj urdhëron nxënësit e mësuesit të dalin në festë

Kryetarit të Bashkisë, Erion Veliaj po i del zbuluar lëvizja fasadë, që i bëri Ditës së Verës me justifikimin se do të binte shi.

“Shi me gjyma”, parashikoi Veliaj për datën 14, që nuk rezultoi e vërtetë dhe i shtyu festimet për në 17 mars, një ditë pas protestës së opozitës.

Kjo vetëm për të treguar që Tirana do festën dhe jo protestat. Sot ai ka urdhëruar urdhëron nxënësit dhe mësuesit që të dalin të festojnë. Denoncimi është bërë nga ish-deputeti i Partisë Demokratike Luçiano Boçi, i cili zbulon edhe disa nga mesazhet që u kanë shkuar nxënësve dhe mësuesve.

Dje, Veliaj shumë i revoltuar ka shpëthyer kundër protestuesve, duke u vendosur nofka ofenduese: “Të ardhurit” qe bëjnë “bullizëm primitit.

Postimi i Luçiano Boçit:

“Nxënësit e mësuesit e shkollave të Tiranës urdhërohen të dalin të organizuar me kuadrate për ditën e verës së deformuar. Disa nga mesazhet e ardhura nga mësuesit, po jua sjell në foto. Propaganda bajate kërkon të stimulojë imazhin e një Shqipërie fanar lumturie e së cilës po i “plas gëzimi  dhe e mira nga sytë”. “Jetojmë e punojmë si në rrethim”; “Rroftë Shqipëria e lumtur Rilindase”; “Me partinë në ballë, përpara për fitore të reja”; Këto do jenë disa nga parrullat që do shpalosen sot në ditën e verës.

Por ndërrimi grotesk i kalendarit të ditës së verës nga 14 Mars në 17 Mars nuk është i padëgjuar.
Ka ndodhur në Korenë e Veriut. Korea e Veriut është në vitin 108, jo 2019, sepse vendi i shënon vitet sipas kalendarit Juche, i cili u prezantua në vitin 1997 dhe bazohet në datën e lindjes së Kim Il-sung: 15 prill 1912. Viti 1912 përdoret si Juche 1 dhe nuk ka Juche 0.
Tiranën sot do ta ketë zili vetë Pheniani!!!!”, – shkruan Boçi.