LIGJET E BIZNESIT
Një ngjarje e rëndë ka ndodhur në Spitallë të Durrësit. Një çift të moshuarish janë dhunuar rëndë në banesën e tyre. Sipas te dhënave paraprake, të moshuarit 70 vjeçarë janë goditur në kokë në shtëpinë e tyre. Gjendja e tyre duket e rëndë, dhe mësohet se po trajtohen me urgjencë në spital.
Mësohet se persona të paidentifikuar kanë hyrë në shtëpinë e çiftit dhe i kanë masakruar e gjakosur. Dy të moshuarit janë gjetur të goditur në kokë nga fqinjët dhe janë dërguar në gjendje të rëndë në spital.
Pistat ku po heton policia janë dy. Fillimisht nuk përjashtohet pista e grabitjes, por policia ngre pikëpyetje, duke shtuar se si paratë, ashtu edhe sendet prej floriri të çiftit nuk janë marrë nga grabitësit. Policia thotë se plagosja mund të ketë ardhur si pasojë e një përleshje mes tyre dhe hajdutëve, të cilët në panik e sipër janë larguar pa marrë gjë.
Nga ana tjetër nuk përjashtohet mundësia që të moshuarit të jenë bërë për spital nga ndonjë i afërm apo fqinj i tyre. Policia ka nisur të marrin në pyetje banorët e lagjes 5, në Spitallë të Durrësit për të zbuluar nëse të moshuarit kishin apo jo ndonjë konflikt.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
