Kuvendi i Shqipërisë ka nisur të plotësohet pas djegies së mandateve parlamentare nga ana e opozitës pak javë më parë.
Ndërkaq, tre emra të cilët ndodhën në listën e kandidatëve të LSI-së kanë nisur procedurën për të marrë mandatin.
Mësohet se Enver Roshi, Ylli Shehu dhe Aurora Mara kanë dorëzuar formularin e vetëdeklarimit në KQZ.
Ndërkohë nga lista e PD-së janë 4 emra që nuk kanë pranuar të firmosin dokumentin e PD-së i cili ka të bëjë me dorëheqjen nga mandati. Bëhet fjalë për Erion Piciri, Selami Jenishehri, Lefter Maliqi, Ligoraq Karamelo.
Plotësimi i formularit të dekriminalizimit, me vetëdeklarim, është hapi paraprak përpara se KQZ-ja të dorëzojë mandatin te një kandidat për deputet.
