Protesta e opozitës po vazhdon prej disa orësh. Tashmë ajo është zhvendosur nga Kuvendi dhe është ngulitur para Drejtorisë së Policisë. Në lidhje me protestat ka reaguar edhe ministri i Brendshëm, Sander Lleshaj.
“Protestat e verbra që godasin deputetë, institucione dhe policë, sjellin vetëm një rezultat. Ato pengojnë shumë policë që të merren me detyrën e tyre kryesore, që është lufta kundër krimit.
Ftoj qytetarët që të mbështesin Policinë e Shtetit në luftën e përbashkët kundër krimit për një Shqipëri normale. Mirënjohje për dinjitetin dhe përkushtimin e punonjësve të PSH”- shkruan Lleshaj në Twitter.
