Djegia e mandateve nga opozita ka bërë që në Parlament të krijohen vende bosh. Ky është rasti i artë për disa deputeë, të cilët po e presin prej kohësh këtë mundësi, ndërkohë të tjerë i janë bashkuar krerëve duke mos e pranuar mandatin.
Kujtojmë se dje u betuan në Parlament katër deputetë nga listat e LSI-së. Një nga kandidatët, i cili ka pranuar mandatin ka qenë Ligoraq Karamelos, nga listat e PD-së.
Në lidhe me vendimin e tij organizata minoritare greke në Shqipëri, OMONIA ka reaguar në lidhje me vendimin
Në një sqarim të kësaj organizate thuhet se ky është një vendim personal i Karamelos dhe i kundërt me atë që kanë marrë strukturat e OMONIA-s.
Deklarata
Sqarim lidhur me vendimin individual të anëtarit tonë të zgjedhur në forumet drejtuese të Organizates, z.Grigor Karamelo, për të pranuar mandatin e deputetit të Kuvendit të Shqipërisë.
Me qëllim shmangien e çfarëdo pështjellimi të padëshiruar në referencë të zgjedhjes personale dhe vendimit individual të anëtarit tonë të zgjedhur në forumet drejtuese të Organizatës, z. Grigor Karamelo, për të pranuar pozicionin e deputetit të listës së Partisë Demokratike, sqarojmë se për këtë nuk pati dhe nuk ka asnjë dakordësi miratuese nga ana e organeve institucionale të OMONOIA-s.
Bëhet fjalë për një vendim individual dhe respektive janë edhe konsekuencat dhe përgjegjësitë politike.
BDMEG OMONOIA, duke miratuar dhe mbështetur vendimet politike të PBDNJ-së, sikundër ato shprehen nga Kryetari i saj, çmon se heqja dorë nga mandatet parlamentare të anëtarëve të Kuvendit të opozitës, përbën me të vërtetë një akt politik tejet serioz, por ndërkaq, adekuat me synim rehabilitimin e rendit politik dhe funksionimit normal të procesit të demokracisë në vend.
Si Minoritet Etnik Grek kemi arsye thelbësore të jemi në atë anë të shoqërisë që kërkon përmirësime esenciale të mënyrës së të ushtruarit të qeverisjes, mirëfunksionimin e drejtësisë, luftimin e varfërisë dhe kryesisht përshpejtimin e reformave që hapin rrugën e procedurave integruese të Shqipërisë në BE.
