Kriza politike, Majko: Ja kush pajton Ramën me Bashën

Ministri i shtetit për Diasporën Pandeli Majko, ka treguar se çfarë mund të diskutohet mes qeverisë dhe opozitës nëse kreu i PD-së, Lulzim Basha pranon ftesën që i bëri sot kryeministri, Edi Rama në Samitin e Dytë të Diasporës.

Majko teksa iu përgjigj interesit të mediave, u shpreh se “qeveri tranzitore” nuk do të jetë pjesë e diskutimeve mes palëve, të cilët kanë ashpërsuar  së fundmi gjuhën dhe retorikën e tyre duke krijuar një krizë politike dhe institucionale në vend

Ministri Mjako u pyet nga gazetarët nëse do të pranojë ai të jetë një kryeministër i qeverisë tranzitore, ai u përgjigj: “Kjo qeveria tranzitore nuk hyn tek shprehja “kur do flasim”.  Po kush duhet të luajë një rol pajtimi mes pozitës dhe opozitën në Shqipëri. Për këtë rol, ministri Majko theksoi se negocimi i presidentit Ilir Meta me palët do të ishte i mirëpritur nga të gjithë.

“Pse mos të negociojë presidenti Meta, kushdo që nxit dialogun është i mirëpritur”, shtoi ai.