Itali/ Pas hekurav 30 vjeçari shqiptar, shiste kokainë

Ka rënë në prangat e karabinierëve italianë një i ri shqiptar. 30 vjeçari është arrestuar në flagrancë pasi shpërndante lëndë narkotike kokainë.

Ai jetonte në Itali me një vizë turistike tre mujore, gjatë të cilës ka shpërndarë kokainë me cilësi të lartë për dhjetëra njerëz, me një çmim 100 euro për dozë.

Policët e kishin kuptuar për një kohë të gjatë atë që ndodhte tek parkingu dhe pas shumë vëzhgimesh, u hodhën në aksion natën e së hënës, duke bllokuar dy persona, shqiptari dhe një 49 vjeçar italian, klient i tij, i papunë dhe i varur nga droga.

Në shtëpinë e tij në rrugën “Caduti sul Lavoro” ata gjetën peshore elektronike, 20 gram doza kokainë, por edhe antibiotik dhe manitol për të prerë pluhurin e bardhë.