Humbën 100 pasaporta, shkarkohet konsulli shqiptar në Janinë

Pak javë më parë kanë humbur 100 pasaporta shqiptare që transportoheshin në Greqi. Pasaportat po transportoheshin drejt shtetit fqinj të ambalazhuara jo në përputhje me praktikat e rregullta të transportimit të pakove diplomatike dhe pa asnjë shoqërues diplomatik.

Por peripecia me pasaportat nuk ka mbaruar, një pjesë e tyre janë vjedhur në Athinë.

Pas këtij skandali është hequr nga detyra konsulli shqiptar në Janinë Pervin Gjikuria. Ambasadorja shqiptare në Greqi, Adriana Hobdari vijon të jetë në detyrë, ndërsa ndaj saj është ndërmarrë proces disiplinor nga Ministrja e Jashtme Shqiptare.