Mesditën e sotme një sasi tritoli ka shpërthyer në një shtyllë të tensionit të lartë në Fushë-Krujë.
Nga shpërthimi një nga këmbët është dëmtuar, ndërsa fill pas ngjarjes ka ardhur edhe sqarimi i Policisë së Fushë-Krujës.
Tritoli është vendosur tek njëra këmbë e shtyllës dyfishe të tensionit të lartë 400 KW e linjave Tiranë–Podgoricë dhe Tiranë-Prizren. Sipas policisë, gjithashtu se po punohet për zbardhjen e ngjarjes dhe identifikimin e autorëve.
NJOFTIMI
Sot në mesditë, punonjësit e OST, pranë fshatit Krastë, Thumanë, konstatuan se njëra këmbë e shtyllës dyfishe të tensionit të lartë (400 KW), Nr. 65, e linjave Tiranë–Podgoricë dhe Tiranë-Prizren ishte dëmtuar me lëndë, të dyshuar eksplozive.
Grupi hetimor ndodhet në vendngjarje dhe po punon për zbardhjen e plotë të ngjarjes, identifikimin dhe kapjen e autorit/ëve.
