“Grande America”, një anije mallrash, e cila po udhëtonte nga Hamburgu drejt Brazilit është mbytur rreth 150 milje larg nga brigjet e Francës.
Fatmirësisht, 27 anëtarët e ekuipazhit të anijes u shpëtuan nga autoritetet britanike.
“Grande America”, mbante rreth 2 mijë makina, mes tyre edhe shumë luksoze, me vlerë miliona dollarë. Shkak është bërë një shpërthim zjarri.
Fillimisht, zjarri shkrumboi kontejnerët në të cilët gjendeshin rreth 2 mijë makina, mes të cilave edhe 37 Porsche, 4 model 911 GT2 RS që kapin një vlerë prej 300 mijë dollarë.
Porsche informoi klientët në Brazil se do të rifillojë prodhimin e modelit për shkak të kësaj ngjarje. Po ashtu, në fund të oqeanit Atlantik përfunduan edhe një numër i madh makinash Audi A3, A5, RS4, RS5 dhe Q7.
Ende nuk dihet shifra e saktë e vlerës së makinave, por mendohet se behet fjalë për një vlerë marramendëse.
