FOTOT/ Horror në Zelandën e Re, më shumë se 40 viktima pas sulmit në dy xhamia

Të shtëna me armë në Zelandën e Re. Siç raportojnë mediat e huaja, tre burra dhe një grua kanë hapur zjarr në dy xhami në Christchurch. Nga kjo ngjarje horror kanë mbetur viktima të paktën 40 besimtarë myslimanë.

Sipas burimeve të policisë, autorët e masakrës janë një komando i formuar nga 4 persona janë arrestuar më pas nga forcat e policisë.

Plani i asaj që kryeministrja e vendit Jacinta Arden ka cilësuar “si një nga ditët më të errëta të Zelandës së Re”, me sa duket ka qenë i mirë studiuar, madje sulmi është transmetuar për 17 minuta live në rrjetet sociale, pas botimit disa orë më parë të një “manifesti” me 87 faqe ku flitet kundër myslimanëve.

Ngjarja ka ndodhur në dy xhami të qytetit, fillimisht në xhaminë Al Noor dhe më pas në Masjid, ku ishin mbledhur të paktën 400 besimtarë për lutjen e së premtes. Atentatorët kishin vënë edhe material shpërthyes në disa makina, por vrasjet kanë ndodhur me armët e zjarrit automatike me të cilët ishin pajisur.

 “Një akt i pashembullt dhune. Është një ndër ditët më të errëta të Zelandës së Re.Nuk dihet ende numri i saktë i viktimave por është një ngjarje e tmerrshme” – ka thënë ai. Sipas Associate Pres myslimanët përfaqësojnë 1,1% të popullsisë në Zelandës e Re.