FOTO/ Heqin dorë nga festa, gratë vërshojnë në protestë te Drejtoria e Policisë

8 marsin këtë vit gratë kanë vendosur ta kalojnë me protesta, të mos festojnë, por të protestojnë duke kujtuar 8 gra të cilat janë vrarë përgjatë vitit 2019.  Të veshura  me të zeza duke e quajtur “Protesta e Zisë”, kanë vërshuar drejt Drejtorisë së Policisë në Tiranë.

Me pankarta në duar i kujtojnë të gjithëve se ato kanë nevojë për dashuri, lule dhe ngrohtësi çdo ditë dhe jo një herë në vit, jo vetëm me raste festash por 365 ditët e vitit.

“Për sa kohë ka dhunime vrasje, përdhunime, duhet protestuar sot nuk është festë. Duam që institucionet të na mbështetin. Gratë nuk duhet të heshtin duhet të denoncojnë dhunën.

Ne nuk kemi asgjë për të festuar për sa kohë që viti 2019 nisi me vrasjen e 8 grave, mesazhi jonë është që ato të mos heshtin, ngrijeni zërin, revoltohuni keni të gjitha të drejtat e botës”- janë shprehur protestueset.