Ekzekutohet avokati i Shullazit, Dhoma e Avokatisë bllokon për tre ditë gjyqet

Ditën e djeshme është tronditur Elbasani. Rreth orës 19.35 është ekzekutuar me armë zjarri Ravik Gurra, 50 vjeç avokat i disa çështjeve të njohura të kronikës së zezë, si avokati i Emiliano Shullazit, por edhe i familjes Çapja në Elbasan.

Sot, Dhoma e Avokatisë në Elbasan, vendosi që në shenjë protestë të bllokojë për tre ditë të gjitha çështjet gjyqësore. Do të ndërpritet çdo shërbim avokatie prej ditës së hënë, 25 mars.

“Dhoma e Avokatëve në Elbasan, duke marrë shkas nga vrasja e mbrëmshme e kolegut dhe avokatit Ravik Gurra, në një atentat mafioz do të ndrepresë në shenjë proteste për tre ditë çdo shërbim avokatie duke bllokuar çështjet gjyqësore,”-tha në një deklartatë për mediat.