Vrasja mafioze në Shkodër tronditi mbarë opinionin publik, katër ditë më parë. Nard Polia, 35, vjeç u ekzekutua me breshëri plumbash në makinën e tij tip Fuoristradë.
Ndërkohë sot i kontaktuar nga media, vëllai i Nard Polisë, Pavlin Polia, pasi u njoh me identitetin e autorëve tha se nuk kishte asnjë njohje me ta, madje hodhi dyshime se autorët mund të kenë ngatërruar shënjestër.
“Ne si familje përgëzojmë punën e shtetit. Nuk di të kemi konflikte me asnjë nga të dyshuarit që më treguan. Ne besojmë se kanë ngatërruar personin, gjithsesi ne nuk bëhemi si ata sido që të jetë puna e kushdo që të jetë përfshirë në këtë ngjarje. Me shpresë që të zbardhet kjo ngjarje sa më parë , falënderoj ata që po na gjenden në këtë mort, që i mori jetën vëllait tonë.”- tha Pavlin Polia.
