Dosja “Hajdari”/ Gjykata pranon kërkesën e Izet Haxhisë: Rigjykim!

Është vendosur të rigjykohet Izet Haxhia, i dënuar me 25 vite burg për vrasjen e Azem Hajdarit.

Vetëm pak ditë më parë Haxhia kërkoi rihetim të çështjes nga drejtësia shqiptare. Përmes këtij apelimi i pandehuri pretendon pafajësinë.

Sot, Gjykata e Apelit për Krimet e Rënda ka pranuar kërkesën e tij, për rihapjen e shqyrtimit të çështjes “Hajdari”, me pretendimin se i është mohuar e drejta për t’u mbrojtur.

Kujtojmë se Izet Haxhia ka qenë ish-truproja i Sali Berishës, ndërsa është dënuar me 25 vite burg në mungesë, për vrasjen e ish deputetit demokrat, Azem Hajdari.
Sakaq, çështja pritet të rigjykohet në shkallën e parë.