Pas ekzekutimit të sotëm ku u vranë dy vllezërit, gazetari investigativ Artan Hoxha ka dhënë alarmin.
Sipas tij, ngjarjet kriminale të ditëve të fundit në Shkodër nuk lidhen më me luftën e bandave për pushtet, por tashmë kanë hyrë në ciklin e të drejtës zakonore, që është hakmarrja.
“Jemi në ciklin e të drejtës zakonore. Jemi në gjakmarrje. Që kur Bajrajt u arrestuan të gjithë të goditurit janë njerëzit më të afërt të Bajrajve. Që nga ai moment u goditën të gjithë. Jemi në fazën që ngjarja e sotme e paralajmëruar nuk u parandalua. Është rasti i fundit, për mua s’ka më luftë bandash. Tani jemi në gjakmarrje.”-tha Hoxha.
