Pas protestës së opozitës, janë proceduar penalisht 28 persona, ku mes tyre edhe Sekretari i Përgjithshëm i PD, Gazmend Bardhi.
Midis tyre janë arrestuar 7 shtetas, për veprime të dhunshme mbi institucionet kushtetuese, mbi Policinë dhe për shkatërrimin e pronës.
Gjithashtu janë proceduar penalisht 14 persona të tjerë, ndërsa 6 shtetas janë shpallur në kërkim.
Provat janë mbledhur në bazë të një analize të pamjeve filmike, raport shërbimeve, si dhe provave të tjera të mbledhura nga grupi hetimor.
Ata akuzohen për veprat penale “Kundërshtimi i punonjësit të policisë së rendit publik”, “Goditje për shkak të detyrës”, “Prishja e qetësisë publike” dhe “Shkelja e rregullave mbi lëndët plasëse, djegëse dhe radioactive.
