Në pritej të protestës së madhe të 16 marsit kryedemokrati, Lulzim Basha po vijon takimet me qytetarët nëpër rrethe duke u kërkuar atyrë të marrin pjesë në protestën që sipas tij, do të jetë më e madhja në 30 vite.
Sot i pranishëm në Berat ai u shpreh se PD është në këtë betejë për ndryshim dhe jo për pushtet.
“Qeveria është kapur në afera të tmerrshme korruptive siç është ajo e Unazës së Tiranës. Rama vjen në pushtet me krimin, ju vjedh dhe më pas thotë mos flisni. Edi Ramës i kishte mbetur vetëm një vegël për të qeverisur, propaganda. Në 16 shkurt ju ja thyet këtë vegël. Nuk ka zgjidhje tjetër përveç zgjedhjeve të lira dhe të ndershme. Në Evropë nuk shkohet me krimin dhe me Shqipërinë si Kolumbia. Nuk shkohet në Evropë me politikanë që vjedhin. Nuk pranojmë që truri i këtij vendi të largohet dhe të ikin si klandestinë.
Shqipëria evropiane kërkon zgjedhje të lira dhe të ndershme. Nuk na duhet qeveria për barsoleta dhe batuta. Është hajdut i maskuar si kloun. Të bashkohet me ne në 16 mars kush do uljen e taksave, uljen e çmimit të energjisë, një ekonomi me taksa të ulëta dhe vende pune. Orët e kësaj bande hajdute janë të numëruara. Parlamenti i krimit ka marrë fund. Nuk do ketë falje për ata që kanë grabitur paratë tuaja. Jemi në këtë betejë për ndryshim dhe jo për pushtet. Të kemi bashkë një pakt kombëtar që të garantojë zhvillim dhe që sovrani të jenë qytetarët dhe jo krimi”- tha Basha.
