Basha për deputetët “tradhëtarë”: Shitën shpirtin, zoti pastë mëshirë

Pak para se opozita së bashku me protestuesit të drejtohej drejt KQZ-së, kryedemokrati Lulzim Basha, akuzoi kandidatët që kanë pranuar të marrin mandatin e deputetit.

“Ata pak të mjerë që futen në atë godinë shesin shpirtin, përdhosin emrin e tyre, janë turpi i familjeve të tyre, turpi i shqiptarëve”, tha Basha.

Kryedemokrati bëri edhe një lutje për këta deputetët tradhëtarë, sic i quan ai. “Ata do ti gjykojë historia, Zoti pastë mëshirë për shpirtin e tyre sepse fytyrë ata nuk kanë më”, u shpreh ai.

Ndërkaq, ai shprehu mirënjohjen për kandidatët që vendosën të digjnin mandatet.